Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

cantique dé noué

  • Chant de Noël Normand: À travèrs les montagnes

    Châque jour d'vant Noué j'bliodgons un cantique dé Noué 

    À travèrs les montagnes
    Et du d'sert i' veinnent,
    Les Mages savants et sages
    À sa pouôrre humbl'ye d'meuthe
    D'eune ardeur dêvouée
    De liain il' arrivent
    Pour suivre sans tchestchion
    Eune êtaile coumme dgide.

    Là lus Rouai, lus Sauveur
    Couochi, humbl'ye et doux,
    Chutte veue qui les amène
    Tout du long d'lus viage,
    Pour êcliaithi tréjous
    Les nâtions au liain,
    Suivant lé c'mîn jouaiyeux
    Condis par l'êtaile.

    Té qui dans eune êtabl'ye
    Au monde arrivit,
    Qui à ch'teu en glouaithe
    Sus touos rouoyaumes règne,
    Èrtchille les pouôrres paiens
    Des pays lointains
    Qui n'ont janmais veu lithe
    Ch't êtaile sans patheille.

    En avant toute la niet,
    Niet si seule et sombre,
    Auve Ta sainte leunmiéthe
    Lisant l'avant à ieux,
    Mène-les, Juis et Paiens,
    Au r'pos êtèrnel,
    Jannes et vièrs étout
    Condis par T'n êtaile.